Özbek ǧalymdary endı Abai mūrasyn zertteumen ainalysady. Özbekstannyŋ ekınşı Prezidentı Şavkat Mirzieev pärmen berıp, Jarlyq şyǧarypty.
13-nauryz künı Özbekstan Prezidentı Şavkat Mirzieev Abai Qūnanbaiūlynyŋ mūrasyn zertteuge jäne halyq arasynda keŋınen nasihattauǧa bailanysty qūjatqa qol qoidy. Qūjattyŋ basty maqsaty - Qazaqstan men Özbekstan arasyndaǧy mädeni-gumanitarlyq qarym-qatynasty damytu jäne özbek jastaryn qazaq ädebietımen tanystyru.
Özbekstan Respublikasy Prezidentınıŋ 2018 jyldyŋ 13-nauryzy küngı №PJ-3598 Jarlyǧynyŋ negızgı mazmūny mynadai:
Ūly aqyn, oişyl Abai Qūnanbaiūlynyŋ esımı äm onyŋ şyǧarmaşylyq bai mūrasy – gumanizm men ızgılıktıŋ eŋ joǧarǧy idealy. Ol tek qazaq halqyna ǧana emes, bükıl türkı jūrtyna, sonyŋ ışınde bızdıŋ özbek halqy üşın de öşpes ız, bai ruhani mūra qaldyrdy.
Abai Qūnanbaiūlynyŋ bar ömırı men şyǧarmaşylyǧy Otanǧa qaltqysyz adal qyzmet etudıŋ, onyŋ ūlttyq qūndylyqtaryn süiudıŋ jarqyn ülgısı.
Qazaqstan men Özbekstan arasyndaǧy bailanys bügıngıdei jaŋa beleske şyqqan uaqytta, Abai Qūnanbaiūly sekıldı tūlǧalardyŋ öşpes mūralaryn nasihattau, zertteu bız üşın maŋyzdy bolmaq.
Ekı eldıŋ arasyndaǧy tuystyq qarym-qatynasty nyǧaitu jäne mädeni-gumanitaryq bailanysty arttyru, sondai-aq, Özbekstan qoǧamyn, äsırese, jas buyndy qazaq ädebietımen jaqyn tanystyru maqsatynda:
1.Mädeniet ministrlıgıne, Orta jäne joǧarǧy äleumettık bılım ministrlıgıne, Ūlttyq bılım ministrlıgıne, Syrtqy ıster ministrlıgıne, Özbekstannyŋ baspa ısı jäne aqparat agenttıgıne, Özbekstannyŋ Jazuşylar odaǧyna, Ǧylym akademiiasyna, Dıni basqarmasyna, Ministrler kabinetı janyndaǧy Halyqaralyq qatynastar komitetıne jäne azamattyq qoǧam ökılderıne - Abai Qūnanbaiūlynyŋ mūrasyn zertteu jäne halyq arasynda keŋınen nasihattau turaly qabyldanǧan qūjat negızınde jūmys jasauǧa;
2.Qūjat negızınde Ūly aqyn, ärı oişyl Abai Qūnanbaiūlynyŋ mūrasyn zertteu jäne halyq arasynda keŋınen nasihattau ısı boiynşa Ūiymdastyru komitetınıŋ qūramyn bekıtuge;
3.Ūiymdastyru komitetıne 1 aidyŋ ışınde tiıstı şaralardyŋ josparyn äzırleuge;
Onyŋ ışınde:
-Abai Qūnanbaiūlynyŋ şyǧarmalar jinaǧyn baspaǧa äzırleuge jäne jaryqqa şyǧaruǧa, «Qazaq-özbek ädebi bailanysy» ädebi-saraptamalyq maqalalar jinaǧyn şyǧaruǧa;
-Taşkenttegı «Nizami» atyndaǧy Memlekettık pedagogikalyq universitetınde «Abai jäne özbek ädebietı» ekspozisiiasyn ūiymdastyruǧa;
-Jyl saiyn aqynnyŋ tuǧan künınde, iaǧni 10-tamyz künı Taşkenttegı Abai eskertkışı aldynda saltanatty ıs-şara ötkızuge;
-Jyl saiyn Özbekstan JOO studentterı arasynda «Abai şyǧarmalarynyŋ bılgırı» atty konkurs ötkızuge;
-Aqynnyŋ ömırı men şyǧarmaşylyǧy jaiynda BAQ-ta, sonyŋ ışınde gäzet-jurnaldar men tele-radiolarda arnaiy materialdar äzırlep, jariialauǧa;
-Özbekstannyŋ Ūlttyq teleradiokompaniiasyna Abai Qūnanbaiūlynyŋ ömırı men şyǧarmaşylyǧy jaily derektı film äzırleuge jäne nasihattauǧa;
-Jalpy bılım beru mekemelerınde, mamandandyrylǧan bılım oşaqtarynda, mektepter men JOO-da, äskeri bölımşelerde, eŋbek kollektivterınde t.b. qalamgerlermen kezdesuler ötkızıp, Abai mūrasy jönınde keŋınen nasihat jürgızuge;
4.Özbekstannyŋ Ūlttyq aqparat agenttıgıne, Özbekstannyŋ Ūlttyq teleradiokompaniiasyna, «Jahon» aqparattyq agenttıgıne jäne özge de būqaralyq aqparat qūraldaryna osy Jarlyqty negızge ala otyryp auqymdy jūmystar jürgızuge;
5.Atalǧan Jarlyqtyŋ oryndaluyn qadaǧalaudy Özbekstan Respublikasy Premer-ministrı A.Aripovke jäne Özbekstan Respublikasy Prezidentınıŋ Memlekettık keŋesşısı H.Sūltanovqa tapsyramyn!
Abai.kz
