Almaty qalasy boıynsha Din isteri basqarmasynyń basshysy Nurlan Kıkımov pikir bildirdi. Ol búlik kezinde oq tıip, jaralanǵan bolatyn.
"Qazir meni bir aýrýhanadan ekinshi aýrýhanaǵa aýystyryp jatyr. Qaı aýrýhanada ekenimdi aıta almaımyn. Qajetti shuǵyl ota jasaldy. Oqty ala almady, dárigerler konsılıým júrgizip, negizgi otany dene saýyqqan kezde jospar boıynsha jasaǵan durys deıdi. Arqamnan ókpege oq ótken. Oq jaýyryndy tesip ketken", - dedi Kıkımov.
Kıkımov shtabta jumys istegenin, sol kúni, 6 qańtarda ákimdik ǵımaraty lańkesterden bosatylǵany týraly habarlanǵanyn aıtty.
"Biz shyǵyndy anyqtaý úshin oqıǵa ornyna barǵanda, uıymdasqan top shabýyl jasady. Bul kelisilgen jáne maqsatty áreket. Olar atyp qana qoımaı, artymyzdan qýdy", - dedi ol.
"Adyrna" ulttyq portaly
