Jurnalist Aidos Jūqanūly eldegı auyr jaǧdai kezınde «divan» sarapşylar kötere bastaǧan bileuşı «Nūr Otan» partiiasyn taratu mäselesıne öz pıkırın bıldırdı.
«Nūr Otan - daǧdarys jaǧdaiynda qoǧam men bilıktı progressivtı reformalardy ıske asyru üşın jūmyldyra alatyn jalǧyz saiasi küş. Partiiada 800 myŋnan astam adam bar. Partiia barlyq öŋırlerde, qalalarda jäne auyldyq jerlerde jūmys ısteidı. Būl jūmys ıstep tūrǧan jüielı mehanizm, 20 jylda kampaniialardy ötkızude ülken elektoraldyq täjıribe jinaqtaǧan. Būl bükıl el boiynşa kadrlyq, ūiymdastyruşylyq, infraqūrylymdyq jäne basqa da resurstar, eŋ bastysy – Parlament pen barlyq deŋgeidegı mäslihattardaǧy köpşılık», - dep jazady jurnalist özınıŋ Facebook jelısındegı jazbasynda.
Jurnalisttıŋ aituynşa, halyq şeneunıkterdıŋ äreketterıne nemese äreketsızdıgıne şaǧymdanyp keletın qoǧamdyq qabyldaular halyqpen öte tiımdı jūmys ısteidı. Köptegen mäseleler bırınşı kelgennen keiın şeşıledı. Partiia azamattardyŋ amanattarynyŋ oryndaluyn baqylauǧa alady, sondai-aq ärtürlı memlekettık organdardy ıske qosyp, olardyŋ mäselenı şeşuıne yqpal etedı.
«Daǧdarystyq, qaiǧyly sätterde däl osy nūrotandyqtar maidannyŋ aldynǧy şebınde ärdaiym boldy. Olar qysqa merzım ışınde qaiyrymdylyq aksiialaryn ūiymdastyrdy, Arys qalasyndaǧy jarylystan nemese Maqtaaral audanyndaǧy su tasqynynan keiın, sondai-aq pandemiia kezeŋınde zardap şekken öŋırlerdıŋ tūrǧyndary üşın gumanitarlyq kömek jinady. Būl sailau aldynda ūpai jinau üşın bır rettık nemese jarnamalyq aksiialar ǧana emes, qarapaiym adamdarǧa aitarlyqtai kömek boldy. «Birgemiz» qorynyŋ jūmysy köpşılıktıŋ esınde qaldy, ol arqyly pandemiia jaǧdaiynda biznesmender jinaǧan 34 mlrd teŋge somasyna ekı millionnan astam qazaqstandyq jedel kömek aldy. Nazar audaryŋyz, bır de bır kümän, dau tuǧan joq. Barlyǧy tez ärı aşyq jasaldy, är teŋge adresatqa deiın jettı» - dep atap ötedı Aidos Jūqanūly.
Ol öz jazbasynda bileuşı partiia qaita jaŋǧyrtudan ötıp, öz qataryn tazartqanyn, praimeriz arqyly öz qataryna jaŋa köşbasşylardy, belsendılerdı, türlı salalardaǧy sarapşylardy tartqanyn tılge tek etken.
“Adyrna” ūlttyq portaly
