Qazaq medıa qaýymdastyǵynan QR prezıdenti men úkimetine úndeý

806

Qazaqstan Respýblıkasynyń Prezıdenti Qasym-Jomart Toqaev myrzaǵa

Qazaqstan Respýblıkasynyń premer-mınıstri Álıhan Smaılov myrzaǵa

Aqparat jáne qoǵamdyq damý mınıstri Asqar Ýmarov myrzaǵa Qazir qoǵamda tótenshe jaǵdaılardan, qantógisti oqıǵalardan keıin bizdiń quqyq qorǵaý oryndarynyń kóp jaǵdaıda asyra silteýge, tek aıyptaý men jazalaýǵa baryp jatqany jıi aıtylyp jatyr.

Al munyń qoǵamda, halyqaralyq deńgeıde teris pikir týǵyzatynyn, halyqtyń narazylyǵyn qaıtadan órshitetinin, tipti halyq pen kúshtik qurlymdardyń arasyna jik salatynyn eskere bermeıtini ókinishti.

Buqaralyq aqparat quraldary týraly zańda kórsetilgenindeı, jýrnalıst kýáligin, aıyrym belgisin kórsetý arqyly dúleı zilzalalar aýdanynda, beıbit jınalystarda, sondaı-aq qoǵamdyq, toptyq jáne jeke múddelerdi bildirýdiń ózge de nysandary kezinde bolýǵa quqyly.

Elimizdiń ártúrli aımaqtarynda bolǵan, myńdaǵan adamdar qatysqan jıyndardan, mıtıngileren aqparat taratqan, kásibı mindetterin atqarǵan jýrnalıster men blogerler zańmen qorǵalýy tıis.

Jýrnalısterdiń zańdy kásiptik qyzmetine kedergi jasaý QR zańdarynda belgilengen jaýaptylyqqa ákep soǵatynyn bile tura, polıııa, prokýratýra qyzmetkerleri jýrnalısterdiń jumysyna kedergi keltirýge, óziniń azamattyq kózqarasyn ashyq aıtqany úshin qýdalaýǵa ushyratýy burynnan jalǵasyp kele jatyr.

«Estıtin memleket» qaǵıdasyna saı osy kereǵarlyqa tosqaýyl qoıylsa. Eskiden qalǵan bul ádetti toqtatpaıynsha, shynaıy sóz bostandyǵyna, demokratııaǵa jol ashylmaıdy.

Osy rette Almatyda jáne kóp qalalarda bolǵan beıbit sherýlerge jeke azamattyq ustanymyn kórsetip qatysqan jáne de sherýler barysynan habar taratyp, óziniń kásibı qyzmetin istegen jýrnalıster arasynda qamaýǵa alynǵan áriptesterimiz týraly aımaqtardan habarlar kelip jatyr.

Bul – jýrnalıster qaýymyn alańdatyp otyr. Elimizde bolǵan oqıǵalar kezinde óziniń kásibı qyzmeti barysynda jáne jeke azamattyq kózqarasyn beıbit bildirý kezinde ustalǵan jýrnalısterge qatysty isterdiń ádil tergelýin suraımyz!

Eger qamaý alynǵan jýrnalısterge qandaı da bir aıyp taǵylmaǵan bolsa, ustaý merzimi 48 saǵattan assa, olardyń dereý bosatylýyn talap etemiz!

Elde bolǵan oqıǵalar kezinde ustalǵan jýrnalıster taǵdyryna ýákiletti organ – aqparat jáne qoǵamdyq damý mınıstrliginiń arasha túsýin jáne olarǵa qatysty qozǵalǵan isterdiń ádil ári ashyq bolýyn nazarynda ustaýyn ótinemiz!

Barsha áriptester men BAQ-ty oqıǵalar kezinde ustalǵan áriptesterimizdi qoldaýǵa shaqyramyz!

“Qazaq Medıa Assosaııasy” zańdy tulǵalar birlestigi Birlestik quramyna enetin BAQ quraldary:

dalanews.kz

7kun.kz

malim.kz

arasha.kz

qazaqtimes.kz

baribar.kz

abai.kz

adyrna.kz

ult.kz

Bugin.kz

Kznews.kz

“Adyrna” ulttyq portaly

Pikirler
Redakııa tańdaýy