Биыл елімізде дарынды балаларды қолдау бойынша жұмыс жалғасады, деп хабарлайды «Адырна» тілшісі.
Қазіргі таңда министрлік заңнамаға түзетулер енгізіп жатыр. Онда интеллектуалдық байқаулардың жүлдегерлеріне жоғары оқу орындарына ҰБТ-сыз, конкурстан тыс негізде білім алу үшін гранттар беру қарастырылған.
Сондай-ақ ведомство халықаралық олимпиадалардың жеңімпаздары мен жүлдегерлері және оларды даярлаған педагог-жаттықтырушыларға да біржолғы ақшалай сыйақы төлеуге бастамашылық етті.
«Алтын медаль иегерлеріне — 1500 АЕК (4 594 500 теңге), күміс медаль – 1000 АЕК ( 3 063 000 теңге), қола медаль – 500 АЕК ( 1 531 500 теңге) көлемінде ақшалай сыйақы тағайындау жоспарланып отыр»,– деп мәлімдеді БҒМ баспасөз қызметі.
«Адырна» ұлттық порталы