Қазақстанның тұңғыш президенті Нұрсұлтан Назарбаевтың қызы, Мәжіліс депутаты Дариға Назарбаева Дубайда жүр. Бұл туралы ҚазТАГ агенттігі хабарлады.
Мәжіліс аппаратындағы дереккөздердің хабарлауынша, депутат Дариға Назарбаева Біріккен Араб Әмірліктерінің Дубай қаласында жүр. Айта кетейік, Назарбаева қаңтардағы қайғылы наразылықтар басталғаннан бері Мәжіліске келмеді. Ресми нұсқа бойынша, ол коронавирус жұқтырған.
Алайда, «Нұр Отан» партиясының басшылығы ауысқаннан кейін, Нұрсұлтан Назарбаевтың орнына қазіргі президент Қасым-Жомарт Тоқаев төрағалық еткенде, Дариға Назарбаева партияның саяси кеңесінде де жоқ болып шықты.
"Адырна" ұлттық порталы
