ۇلىبريتانيا رەسەيگە قارسى سانكتسيا ءتىزىمىن تاعى كەڭەيتتى. جاڭا شارالار رەسەيدىڭ اسكەري ماشيناسىن، ەنەرگيا تاسىمالداۋ ەكسپورتىن جانە اقپاراتتىق سوعىستى قولدايتىن ۇيىمدارعا باعىتتالعان. بۇل تۋرالى 20 مامىردا ەلدىڭ سىرتقى ىستەر مينيسترلىگى ايتتى، دەپ حابارلايدى «ادىرنا» ءتىلشىسى.
سانكتسيالار ەۋروپالىق وداقتىڭ رەسەيگە قارسى 17-ءشى سانكتسيالار پاكەتىن جاريالاۋ قارساڭىندا ەنگىزىلىپ وتىر.
مينيسترلىكتىڭ مالىمەتىنشە، تىزىمگە «جالعان اقپارات بەرۋ ناۋقاندارىن جۇرگىزگەن» الەۋمەتتىك جوبالاۋ اگەنتتىگىنىڭ تاعى 14 قىزمەتكەرى كىرگەن. بۇل جولى ۇلىبريتانيا 18 كەمە يەسىنە دە شەكتەۋ ەنگىزگەن. ودان بولەك، تىزىمدە بىرقاتار قارجى ۇيىمدارى، سونىڭ ىشىندە سانكت-پەتەربۋرگ ۆاليۋتا بيرجاسى مەن رەسەيدىڭ مەملەكەتتىك دەپوزيتتەردى ساقتاندىرۋ اگەنتتىگى بار.
سونداي-اق ۇلىبريتانيا حالىقارالىق سەرىكتەستەرمەن رەسەي مۇنايىنىڭ شەكتى باعاسىن باررەلىنە 60 دوللارعا تومەندەتۋدى كوزدەپ وتىر.
ايتا كەتەيىك، سانكتسياعا ىلىككەندەردىڭ ۇلىبريتانيا اۋماعىنداعى بارلىق قارجى اكتيۆتەرى بۇعاتتالادى. ۇلىبريتانيا ازاماتتارى مەن كومپانيالارىنا بۇل تۇلعالارعا قانداي دا ءبىر قارجىلىق قىزمەت كورسەتۋگە، ولاردىڭ مۇلكىمەن جۇمىس ىستەۋگە نەمەسە سەنىمگەرلىك قىزمەتتەر كورسەتۋگە تىيىم سالىنادى.
