Ūlybritaniia Reseige qarsy sanksiia tızımın taǧy keŋeittı. Jaŋa şaralar Reseidıŋ äskeri maşinasyn, energiia tasymaldau eksportyn jäne aqparattyq soǧysty qoldaityn ūiymdarǧa baǧyttalǧan. Būl turaly 20 mamyrda eldıŋ syrtqy ıster ministrlıgı aitty, dep habarlaidy «Adyrna» tılşısı.
Sanksiialar Europalyq Odaqtyŋ Reseige qarsy 17-şı sanksiialar paketın jariialau qarsaŋynda engızılıp otyr.
Ministrlıktıŋ mälımetınşe, tızımge «jalǧan aqparat beru nauqandaryn jürgızgen» äleumettık jobalau agenttıgınıŋ taǧy 14 qyzmetkerı kırgen. Būl joly Ūlybritaniia 18 keme iesıne de şekteu engızgen. Odan bölek, tızımde bırqatar qarjy ūiymdary, sonyŋ ışınde Sankt-Peterburg valiuta birjasy men Reseidıŋ memlekettık Depozitterdı saqtandyru agenttıgı bar.
Sondai-aq Ūlybritaniia halyqaralyq serıktestermen Resei mūnaiynyŋ şektı baǧasyn barrelıne 60 dollarǧa tömendetudı közdep otyr.
Aita keteiık, sanksiiaǧa ılıkkenderdıŋ Ūlybritaniia aumaǧyndaǧy barlyq qarjy aktivterı būǧattalady. Ūlybritaniia azamattary men kompaniialaryna būl tūlǧalarǧa qandai da bır qarjylyq qyzmet körsetuge, olardyŋ mülkımen jūmys ısteuge nemese senımgerlık qyzmetter körsetuge tyiym salynady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz