Биыл Қазақстанда жыл сайын өтетін 7 және 9 мамырда әскери шерулер болмайды. Оның себебін Қорғаныс министрлігі түсіндірді, деп хабарлайды “Адырна” ұлттық порталы.
«Қазақстанда 2022 жылы әскери парад өткізу бюджетті үнемдеу, сондай-ақ басқа да мәселелерді шешу қажеттілігіне байланысты жоспарланбайды», - деп хабарлады министрлік.
Қорғаныс министрлігі Қазақстан Қарулы Күштері бөлімшелерінің жауынгерлік әзірлігі мен ұтқырлығының қажетті деңгейін қамтамасыз етуді, мемлекеттік және әскери нысандарды күзету мен қорғанысын қамтамасыз ету жөніндегі міндеттерді орындауды басымдықтар ретінде атады.
“Адырна” ұлттық порталы
