Алматыдағы әл-Фараби даңғылында жеңіл көлік бағанаға соғылып, өртеніп кетті. Видео Instagram әлеуметтік желісіндегі krisp_almaty-парақшасында жарияланды, деп хабарлайды “Адырна” ұлттық порталы.
Алматы Полиция департаментінің баспасөз қызметі мәліметінше, 10 маусымда сағат 3.05 шамасында Әл-Фараби даңғылы бойымен шығыс бағытта келе жатқан BMW жүргізушісі темір тірекке соғылған.
"Соққыдан көлік қирап, өрт шықты. Оқиға салдарынан BMW көлігінің жүргізушісі жарақат алып, медициналық мекемеге жеткізілді. Бұл деректі Бостандық аудандық Полиция бөлімі тергеп жатыр", - деді Алматы қалалық Полиция департаментінің тергеу басқармасы бастығы полиция подполковнигі Олжас Шәріпов.
“Адырна” ұлттық порталы
