الماتىداعى ءال-فارابي داڭعىلىندا جەڭىل كولىك باعاناعا سوعىلىپ، ورتەنىپ كەتتى. ۆيدەو Instagram الەۋمەتتىك جەلىسىندەگى krisp_almaty-پاراقشاسىندا جاريالاندى، دەپ حابارلايدى “ادىرنا” ۇلتتىق پورتالى.
الماتى پوليتسيا دەپارتامەنتىنىڭ ءباسپاسوز قىزمەتى مالىمەتىنشە، 10 ماۋسىمدا ساعات 3.05 شاماسىندا ءال-فارابي داڭعىلى بويىمەن شىعىس باعىتتا كەلە جاتقان BMW جۇرگىزۋشىسى تەمىر تىرەككە سوعىلعان.
"سوققىدان كولىك قيراپ، ءورت شىقتى. وقيعا سالدارىنان BMW كولىگىنىڭ جۇرگىزۋشىسى جاراقات الىپ، مەديتسينالىق مەكەمەگە جەتكىزىلدى. بۇل دەرەكتى بوستاندىق اۋداندىق پوليتسيا ءبولىمى تەرگەپ جاتىر", - دەدى الماتى قالالىق پوليتسيا دەپارتامەنتىنىڭ تەرگەۋ باسقارماسى باستىعى پوليتسيا پودپولكوۆنيگى ولجاس ءشارىپوۆ.
“ادىرنا” ۇلتتىق پورتالى
