Ақтөбеде Странник Артур лақап атымен танылған ресейлік блогерді белгісіз біреулер ұрып-соғып, тонап кетті, деп хабарлайды «Адырна» тілшісі.
Саяхатшы велосипедпен Қазақстан, Моңғолия арқылы өтіп, сапарын Алтайда аяқтағысы келген. Айтуынша, оның заттары кешкісін қаланы аралап жүрген кезде жоғалып кеткен.
«Велосипед пен ұялы телефонымды алып кетті. Сөмкем де жоқ, онда жол жүруге ақша бар болған»,– дейді ол.
Қазіргі таңда Қылмыстық кодекстің 188-бабы «Ұрлық» бойынша сотқа дейінгі тергеу амалдары жүргізіліп жатыр.
