Украинадағы қиян-кескі шайқастың аяқталуын күтпей-ақ елді қалпына келтіру жұмысына кірісуіміз керек. Еурокомиссия президенті осындай пікірде. Ол енді Үлкен жетілікке мүше мемлекеттермен конференция өткізетінін айтып отыр. Бұл туралы «Хабар 24» арнасы мәлімдеді, деп хабарлайды “Адырна” ұлттық порталы.
Тіпті бұғатталған ресейлік активтерді Украина қазынасына беру керек деген ұсынысын да айтты. Жалпы осыған шейін Еуроодақ ресейлік бизнесмендердің 10 миллиард еуроға бағаланған активтерін бұғаттап тастады. Бұл қатарда Ресей Орталық банкінің 23 миллиард еуросы да бар.
“Еурокомиссия Украина елін қалпына келтіру үшін оған Ресейдің және ресейлік олигархтардың бұғатталған активтерін тапсыруды әділ деп санайды және мұның құқықтық негізін дайындап жатыр. Елді қалпына келтіру үшін зор күш қажет”, -деді Еурокомиссия президенті Урсула Фон дер Ляйен.
“Адырна” ұлттық порталы
