ۋكرايناداعى قيان-كەسكى شايقاستىڭ اياقتالۋىن كۇتپەي-اق ەلدى قالپىنا كەلتىرۋ جۇمىسىنا كىرىسۋىمىز كەرەك. ەۋروكوميسسيا پرەزيدەنتى وسىنداي پىكىردە. ول ەندى ۇلكەن جەتىلىككە مۇشە مەملەكەتتەرمەن كونفەرەنتسيا وتكىزەتىنىن ايتىپ وتىر. بۇل تۋرالى «حابار 24» ارناسى مالىمدەدى، دەپ حابارلايدى “ادىرنا” ۇلتتىق پورتالى.
ءتىپتى بۇعاتتالعان رەسەيلىك اكتيۆتەردى ۋكراينا قازىناسىنا بەرۋ كەرەك دەگەن ۇسىنىسىن دا ايتتى. جالپى وسىعان شەيىن ەۋرووداق رەسەيلىك بيزنەسمەندەردىڭ 10 ميلليارد ەۋروعا باعالانعان اكتيۆتەرىن بۇعاتتاپ تاستادى. بۇل قاتاردا رەسەي ورتالىق بانكىنىڭ 23 ميلليارد ەۋروسى دا بار.
“ەۋروكوميسسيا ۋكراينا ەلىن قالپىنا كەلتىرۋ ءۇشىن وعان رەسەيدىڭ جانە رەسەيلىك وليگارحتاردىڭ بۇعاتتالعان اكتيۆتەرىن تاپسىرۋدى ءادىل دەپ سانايدى جانە مۇنىڭ قۇقىقتىق نەگىزىن دايىنداپ جاتىر. ەلدى قالپىنا كەلتىرۋ ءۇشىن زور كۇش قاجەت”، -دەدى ەۋروكوميسسيا پرەزيدەنتى ۋرسۋلا فون دەر ليايەن.
“ادىرنا” ۇلتتىق پورتالى
