Қайрат Сатыбалдыұлының қылмыстық жолмен табылған мүлкі мемлекетке қайтарылды. Бұл туралы Сыбайлас жемқорлыққа қарсы қызмет мәлімдеді, деп хабарлайды “Адырна” ұлттық порталы.
«ТМД-дан тыс елдерде жүргізілген жедел-іздестіру іс-шараларының нәтижесінде сотталушыларға тиесілі құны 230 миллион доллардан асатын эксклюзивті асыл тастар мен зергерлік бұйымдар анықталып, мемлекет кірісіне қайтарылды», - деді Антикор.
Сондай-ақ, сыбайлас жемқорлыққа қарсы қызмет Сатыбалдыұлының шетелдік бағалы қағаздарға 300 миллион доллар салғанын анықтады. Бұл сома жақын арада Қазақстан бюджетіне түседі.