Бейнебақылау жүйесін дамыту да маңызды жұмыс. Бүгінгі таңда Алматыда 128 мыңнан астам жеке бейнебақылау камерасы орнатылған, оның төрттен бір бөлігі ғана қалалық полиция департаментінің жедел басқару орталығымен біріктірілген. Бұл туралы Президент Қасым-Жомарт Тоқаев қала халқымен кездесу кезінде мәлімдеді, деп хабарлайды «Адырна» тілшісі.
Әкімдік жеке Бейнебақылау жүйелерін бірыңғай диспетчерлік пунктке интеграциялау жөніндегі ережені қабылдауы керек. Әрине, меншік иесінің келісімімен.
Сондай-ақ Мемлекет басшысы бейнебақылаумен қамтылмаған объектілерде 20 мыңға жуық камера орнату қажет. Жиі баратын қоғамдық орындар, сондай-ақ ең көп құқық бұзушылықтар орын алатын қаланың аудандары дабыл түймелерімен жабдықталуы керек. Қаланың білім беру және денсаулық сақтау мекемелерінің кешенді қауіпсіздігін қамтамасыз ету өте маңызды екенін айтты.
«Онда қауіпсіздік камераларын, дабыл түймелерін, турникеттерді, күзет және өрт дабылдарын орнату керек. Мен бұл туралы егжей-тегжейлі айтып отырмын, өйткені бұл азаматтардың қауіпсіздігі үшін өте маңызды. Бұл технологияны вокзалдарда, әуежайда және басқа да адамдар көп жиналатын жерлерде қолдану өте маңызды. Бұл жүйе 2026 жылға қарай қалада толық жұмыс істеуі керек»,- деді өз сөзінде.
