5 ақпанда Шығыс Қазақстан облысы Риддер қаласының жылу электр орталығындағы жаңа қондырғы істен шықты. Бұл туралы Риддер әкімі Дмитрий Горьковой жөндеу жұмыстары аяқталғанын айтты, деп хабарлайды “Адырна” ұлттық порталы.
Аталған қондырғы осыдан бірнеше апта бұрын өрт шыққаннан кейін қайта қалпына келтірілген көмір трактына орнатылған болатын.
"5 ақпанда 2 конвейер таспасын көтеретін барабан қозғалтқышы істен шықты. Жөндеу жұмыстары аяқталды. Көмір бункерлерін толтыру басталды. Жөндеу жұмыстары кезінде температуралық режимді қалпына келтіру үшін №1 қазандық қондырғысы қосымша қыздырылды", - деді қала әкімі Дмитрий Горьковой.
Еске салайық, 19 қаңтарда Риддердегі жылу электр орталығынан өрт шыққан болатын.
