بۇگىنگى تاڭدا قازاقستاندا تۇركياداعى جەر سىلكىنىسى كەزىندە زارداپ شەككەندەر ءۇشىن اشىلعان شوتقا شامامەن 10 ميلليون دوللار (188,7 ميلليون تۇرىك ليراسى) ءتۇستى. بۇل تۋرالى AstanaTV ارناسى حابارلادى، دەپ جازادى "ادىرنا" ۇلتتىق پورتالى.
بارلىق قاراجات توتەنشە جاعدايلاردىڭ الدىن الۋ جانە جويۋ باسقارماسىنا (AFAD) اۋدارىلادى.
تۇركيانىڭ استاناداعى ەلشىلىگىنىڭ حابارلاۋىنشا، قازاقستاندىق كاسىپكەر بولات وتەمۇراتوۆ قورىنان قايىرىمدىلىق شوتىنا 5 ملن دوللار سوماسى تۇسكەن.
«جەر سىلكىنىسى كەزىندە زارداپ شەككەندەر ءۇشىن 5 ميلليون دوللار اۋدارعان وتەمۇراتوۆ قورىنا العىسىمىزدى بىلدىرەمىز. وسىلايشا، قازاقستاندا AFAD-قا اۋدارىلعان جالپى سوما 10 ملن دوللارعا جۋىقتادى»، - دەلىنگەن حابارلامادا.
"ادىرنا" ۇلتتىق پورتالى
