АҚШ әкімшілігі Ресейге қарсы санкциялардың бұзылуын тексеретін федералды прокурорлардың штатын кеңейтіп жатыр. Бұл туралы Wall Street Journal жазды, деп хабарлайды «Адырна» тілшісі.
Бас прокурордың көмекшісі Мэтт Олсеннің айтуынша, Әділет департаменті қарсы барлау қызметі мен экспортты бақылау департаментіне 25 жаңа прокурорды қосады.
Жаңа прокурорлар санкциялардан жалтару жағдайларын тергеу үшін корпорациялармен жұмыс істейді, сондай-ақ бұзушылықтар анықталған жағдайда компанияларды қылмыстық жауапкершілікке тартады. Мамандардың кейбірі жаңадан қабылданған, ал кейбірі басқа департаменттерден ауыстырылған.
