Қаңтар оқиғасынан кейін қамауға алынған Қорғаныс министрі Мұрат Бектанов 12 жылға сотталды. Бұл туралы Қылмыстық істер жөніндегі мамандандырылған ауданаралық әскери соты хабарлады, деп жазады "Адырна" ұлттық порталы.
"М. Бектанов ҚР Қылмыстық кодексінің 451-бабының 3-бөлігі бойынша 24.02.2023 жылғы қылмыстық істер жөніндегі мамандандырылған ауданаралық әскери сотының үкімімен сотталды, оған ең жоғары қауіпсіздік қылмыстық - атқару жүйесі мекемесінде жазасын өтей отырып, 12 жыл мерзімге бас бостандығынан айыру түріндегі жаза тағайындалды", - делінген хабарламада.
Бектанов ісі "Құпия" белгісімен қаралғандықтан, сот толық ақпарат бере алмайтынын жеткізді.
"Адырна" ұлттық порталы
