Америкалық оқушы қыз домбырада «Қара жорға» күйін орындады. Оқушы қыздың домбырада қазақтың халық күйін ойнаған сәтінен видеоны Қазақстандағы АҚШ Елшілігі әлеуметтік желіде бөлісті, деп хабарлайды «Адырна» ұлттық порталы.
«Мен Flex abroad бағдарламасының студентімін және қазіргі уақытта Алматыдамын. Осыдан бес ай бұрын Миннесота штатынан келген едім. Менің ең сүйікті сабақтарымның бірі – домбырада ойнау. Ал ең сүйікті күйлерімнің бірі «Қара жорға» деп аталады», - деді америкалық Риа Эдберг.
Әлеуметтік желі қолданушылары америкалық оқушы қыздың өнерін жоғары бағалап, ізгі тілектерін білдіруде.
