امەريكالىق وقۋشى قىز دومبىرادا «قارا جورعا» كۇيىن ورىندادى. وقۋشى قىزدىڭ دومبىرادا قازاقتىڭ حالىق كۇيىن ويناعان ساتىنەن ۆيدەونى قازاقستانداعى اقش ەلشىلىگى الەۋمەتتىك جەلىدە ءبولىستى، دەپ حابارلايدى «ادىرنا» ۇلتتىق پورتالى.
«مەن Flex abroad باعدارلاماسىنىڭ ستۋدەنتىمىن جانە قازىرگى ۋاقىتتا الماتىدامىن. وسىدان بەس اي بۇرىن ميننەسوتا شتاتىنان كەلگەن ەدىم. مەنىڭ ەڭ سۇيىكتى ساباقتارىمنىڭ ءبىرى – دومبىرادا ويناۋ. ال ەڭ سۇيىكتى كۇيلەرىمنىڭ ءبىرى «قارا جورعا» دەپ اتالادى»، - دەدى امەريكالىق ريا ەدبەرگ.
الەۋمەتتىك جەلى قولدانۋشىلارى امەريكالىق وقۋشى قىزدىڭ ونەرىن جوعارى باعالاپ، ىزگى تىلەكتەرىن بىلدىرۋدە.
