2024 жылғы Еуропа чемпионатына іріктеу матчінде Данияны ұтқаннан кейін Қазақстан құрамасының футболшылары ММА файтері Қуат Хамитовтың сынына жауап берді. Бұл туралы Vesti.kz хабарлады, деп жазады "Адырна" ұлттық порталы.
Бірінші ойында Словениядан ұтылғанда Хамитов Instagram желісінде команда нәтижесіне қатысты ащы әзіл жазған болатын.
Ал одан кейін екінші турда Қазақстан Данияны ұтқанда футболшылар Хамитовке сөзін қайта жазып, келемеж қылды. Нақты айтқанда Instagram сторисінде Рамазан Оразов, Сергей Малый, Максим Самородов және Ян Вороговский пост жариялапты.
"Адырна" ұлттық порталы
