Астанада 2 жасар бала 3 қабаттан құлап кетті. Бұл туралы Төтенше жағдайлар қызметі айтты, деп хабарлайды «Адырна» тілшісі.
Басқарманың мәлімдеуінше, оқыс оқиға 6 мамыр күні Байтұрсынов көшесі, 37 үйде болған.
"2021 жылы туған қыз бала үлкен адамдардың қарауынсыз қалып, 7 қабатты тұрғын үйдің 3 қабатынан құлап кеткен. Анасы үлкен баласымен тіс дәрігерінде болған кезде үйде отырған әкесі баланың терезені ашып, сыртқа қалай шығып кеткенін байқамай қалған. Қуанышқа орай көршілері сыртта құлайын деп тұрған баланы көріп қалған. Олар көрпе жайып тұрып, бүлдіршінді қағып алды. Қыз бала ауруханаға жатқызылды. Жағдайы орташа дәрежеде", - делінген Төтенше жағдайлар департаменті баспасөз қызметінің мәліметінде.
