Astanada 2 jasar bala 3 qabattan qulap ketti. Bul týraly Tótenshe jaǵdaılar qyzmeti aıtty, dep habarlaıdy «Adyrna» tilshisi.
Basqarmanyń málimdeýinshe, oqys oqıǵa 6 mamyr kúni Baıtursynov kóshesi, 37 úıde bolǵan.
"2021 jyly týǵan qyz bala úlken adamdardyń qaraýynsyz qalyp, 7 qabatty turǵyn úıdiń 3 qabatynan qulap ketken. Anasy úlken balasymen tis dárigerinde bolǵan kezde úıde otyrǵan ákesi balanyń terezeni ashyp, syrtqa qalaı shyǵyp ketkenin baıqamaı qalǵan. Qýanyshqa oraı kórshileri syrtta qulaıyn dep turǵan balany kórip qalǵan. Olar kórpe jaıyp turyp, búldirshindi qaǵyp aldy. Qyz bala aýrýhanaǵa jatqyzyldy. Jaǵdaıy ortasha dárejede", - delingen Tótenshe jaǵdaılar departamenti baspasóz qyzmetiniń málimetinde.
