Astanada «Taza Qazaqstan» aksiiasy aiasynda Tılderdı damytu jäne arhiv ısı basqarmasyna qarasty «Ruhaniiat» ortalyǧynda «Tıl tazalyǧy – oi tazalyǧy» taqyrybynda aşyq sabaq öttı, dep habarlaidy elorda äkımdıgınıŋ resmi saity.
Is-şaranyŋ negızgı maqsaty – ana tılınıŋ tazalyǧyn saqtau, sauatty söileu mädenietın qalyptastyru jäne qoǧamda memlekettık tılge degen jauapkerşılıktı arttyru. Aşyq sabaqty Ruhaniiat ortalyǧynyŋ oqytuşysy Aijan Qūdaibergenqyzy jürgızdı.
Is-şara barysynda Ruhaniiat ortalyǧynyŋ basşysy Arman Şerizat söz söilep, Memleket basşysy ūsynǧan «Taza Qazaqstan» tūjyrymdamasynyŋ mazmūnyna keŋınen toqtaldy.
«Memleket basşysynyŋ «Taza Qazaqstan» jobasyn odan ärı jandandyru maqsatynda ärbır ortalyq, ärbır mekeme būl ideiany öz baǧytyna sai jüzege asyruy tiıs. Bız «Taza Qazaqstan» ūǧymyn tek syrtqy tazalyqpen şektemeimız. Būl – eŋ aldymen adamnyŋ özınen, öz otbasynan, öz tılınen bastalatyn ruhani tazalyq. Sondyqtan taza qazaq tılınde söileu, tıl mädenietın saqtau – osy bastamanyŋ maŋyzdy bölıgı. Bügıngı aşyq sabaq ta «Taza Qazaqstan» aksiiasy aiasynda, memlekettık tıldıŋ tazalyǧyn nasihattau maqsatynda ötkızılıp otyr», – dedı ol.
Aita keteiık, Ruhaniiat oqu ortalyǧy 2018 jyldan berı qazaq tılın üiretu baǧytynda jüielı jūmys jürgızıp keledı. Osy uaqyt aralyǧynda jyl saiyn tegın kurstar ūiymdastyrylyp, orta eseppen 1500 adam qazaq tılınen bılım alǧan. Al ötken jyldan bastap būl körsetkış arttyrylyp, jylyna 3000 adamǧa deiın oqytu jolǧa qoiylǧan.
«Qazaq tılın üirenuge qyzyǧuşylyǧym joǧary. Qazır bırşama meŋgerıp qaldym. Osy ortalyqta bılım alyp jürıp köptegen paidaly dünielerdı üirendım. Aldaǧy uaqytta qazaq tılımdı barynşa jetıldırıp, erkın söileitın deŋgeige jetsem deimın», – deidı qala tūrǧyny Anastasiia Gadzenko.
