Qazaqstan halqynyŋ sany 20,6 millionnan asty. Ūlttyq statistika biurosynyŋ deregınşe, 2026 jylǧy 1 qyrküiektegı jaǧdai boiynşa elde 20 618 796 adam tūrady, dep habarlaidy "Adyrna".
Astana halqy alǧaş ret 1,7 million adamnan asty. Qyrküiektıŋ basynda elorda tūrǧyndarynyŋ sany 1 700 385 adamǧa jetken. Būl bır aida qala halqynyŋ şamamen 10 myŋ adamǧa öskenın körsetedı. Jyl basynan berı elorda tūrǧyndarynyŋ sany 61 209 adamǧa artqan.
Halyq sany eŋ köp öŋırler qatarynda Almaty qalasy men Türkıstan oblysy bar. Almatyda 2 387 896, Türkıstan oblysynda 2 142 709 adam tūrady. Būdan bölek, Almaty oblysynda – 1 615 631, Şymkentte – 1 316 888, Jambyl oblysynda – 1 210 084, Qaraǧandy oblysynda 1 130 123 adam tırkelgen.
Halyq sany eŋ az öŋırler – Ūlytau oblysy (217 274 adam), Soltüstık Qazaqstan oblysy (510 756 adam) jäne Abai oblysy (590 702 adam).
Statistikaǧa säikes, Qazaqstan tūrǧyndarynyŋ basym bölıgı qalalarda tūrady. 1 qyrküiektegı esep boiynşa qala halqynyŋ sany 13 236 041 adamǧa jetken. Jyl basynan berı būl körsetkış 150 931 adamǧa ösken.
Al auyl tūrǧyndarynyŋ sany 7 382 755 adamdy qūrady. Jyl basynan berı auyl halqy 31 957 adamǧa azaiǧan.
Jalpy, jyl basynan berı Qazaqstan halqy 118 974 adamǧa köbeigen.
