Qazaqstanda repetitorlyq ortalyqtardyŋ qyzmetın zaŋmen retteu josparlanyp otyr, dep habarlaidy "Adyrna" ūlttyq portaly.
Būl turaly oqu-aǧartu ministrlıgı mälımdedı.
Ministr Jūldyz Süleimenovanıŋ aituynşa, jaŋa zaŋnamalyq özgerıster aiasynda repetitorlyq ortalyqtardyŋ jūmysy, salyq töleuı jäne ata-analar men oquşylar aldyndaǧy jauapkerşılıgı qarastyrylady. Sonymen qatar mektep mūǧalımderınıŋ öz oquşylaryna aqyly türde qosymşa sabaq ötkızuıne tyiym salu ūsynylyp otyr.
«Mūǧalım özınıŋ sabaq beretın oquşysynan qosymşa qarjy ala almaidy», – dedı Jūldyz Süleimenova.
Ministrlık ŪBT-dan joǧary nätije körsetken talapkerlerge kölık pen qymbat syilyq ūsynyp jürgen daiyndyq ortalyqtarynyŋ äreketıne de nazar audardy. Ministrdıŋ aituynşa, būl äzırge ortalyqtardyŋ jarnamalyq täsılı retınde qarastyrylyp otyr. Alaida aldaǧy uaqytta zaŋnamaǧa özgerıster engızılgennen keiın būl mäsele qaita qaraluy mümkın.
Öz kezegınde Saiasat Nūrbek keibır bılım beru ortalyqtarynyŋ «şekten şyǧyp ketkenın» aitty.
«Būl – marketing. Iаǧni “bızdıŋ ortalyqqa kelseŋız, balaŋyz eŋ joǧary ball jinaidy” degen jarnama täsılı. Bıraq keibır ortalyqtar osy mäselenıŋ ainalasynda şamadan tys ajiotaj qalyptastyryp otyr», – dedı ministr.
