“Beu fest” 2023 مۋزىكالىق فەستيۆالءى الماتىدا قايتادان وتەدى”، دەپ حابارلايدى “ادىرنا”.
الماتىلىقتار جىلدىڭ ەڭ ۇلكەن مۋزىكالىق وقيعالارىنىڭ ءبىرىن اسىعا كۇتۋدە. جىل سايىنعى داستۇرگە اينالعان “Beu fest” فەستيۆالى بيىل 24 ماۋسىمعا جوسپارلانىپ وتىر ءارى قازاقستان تۇرعىندارى مەن قوناقتارىنىڭ نازارىن اۋدارادى. اتالمىش شارانىڭ ۇيىمداستىرۋشىلارى ءوز اۋديتورياسىن ساعىنا كۇتتىرىپ، ۇمىتىلماس اسەر قالدىرۋعا ۋادە بەرۋدە. بيىلعى جىلى ۇيىمداستىرۋشىلار Amalyat, Dakelot, Dosekesh, Kilemger, Merey جانە تاعى باسقا ءار ءتۇرلى جانرلاردا ءان ايتاتىن جاس ورىنداۋشىلاردى قولداۋعا شەشىم قابىلداعان. بۇل Beuراديوسىنىڭ تۇجىرىمداماسىنا باسىنان باستاپ ەنگىزىلگەنى ايتىلدى. ۇيىمداستىرۋشىلاردىڭ سوزىنشە, فەستيۆالدىڭ جانە راديونىڭ يدەياسى ءبىر - قازاقتىلدى اۋديتوريا ءۇشىن سۇرانىسقا يە ءجۇز پايىز وتاندىق مەديا ءونىم. فەستيۆال قاتىسۋشىلارىنىڭ اراسىندا كورەرمەندەردىڭ سۇيىكتى جۇلدىزدارى: Ninety One, ميراس جۋگۋنۋسوۆ, Dequine, Akha, قازىبەك قۇرايىش، Sadraddin, كەنجەبەك، Ayree, ALPHA, Ayafunk, Ayau, Rusha, Taspay, Mona Songz, Orynkhan, Duman Marat, ONTOĞYZONEKI سياقتى ارتىستەر، سونداي-اق ءبىزدىڭ فەستيۆالىمىزدىڭ ارنايى قوناعى كورەيادان كەلگەن SongWon Sub بولادى.
