ىلە-بالقاش اڭعارىندا قامىس ورتەنىپ جاتىر، دەپ حابارلايدى "ادىرنا" ۇلتتىق پورتالى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
«ىلە-بالقاش رەزەرۆاتىنىڭ (كىرمە جولدار جوق ارالشىقتار جانە قولجەتىمدىلىگى تومەن باتپاقتى جەردە) اۋماعىندا 150 گەكتار الاڭ جانىپ جاتىر. ءورتتىڭ جالپى اۋماعى شامامەن 6 200 گا بولدى، ونىڭ ىشىندە سوندىرىلگەنى – 6 050 گەكتار.
تجد جانە «ىلە-بالقاش» متر» رمم كۇشتەرى قولمەن جۇمىس جاسايتىن شانتس قۇرالدارى مەن موتوپومپالاردى پايدالانا وتىرىپ، جاياۋ تارتىپپەن سولتۇستىك-باتىس جاعىندا 6-كۆارتالدا الدىن الا بولجام بويىنشا 150 گا الاڭدا ءسوندىرۋ جۇمىستارىن جۇرگىزىپ جاتىر. سونداي-اق، باقاناس ورمان شارۋاشىلىعى ۋچاسكەلەرىندە ءورتتىڭ تارالۋىن بولدىرماۋ ءۇشىن ورمان شارۋاشىلىعى كۇشتەرى جەردى جىرتۋ جۇمىستارىنا كىرىستى.
ەلدى-مەكەندەرگە قاۋىپ جوق.
الەۋمەتتىك جەلىلەردە تارالعان كوسمونيتورينگتىڭ سۋرەتتەرى بۇگىنگى كۇنى وزەكتىلىگىن جوعالتقان.
مەتەورولوگيالىق جاعداي: كۇن اشىق، جاۋىن-شاشىنسىز، اۋا تەمپەراتۋراسى +24 س، سولتۇستىك باعىتتا سوققان جەلدىڭ جىلدامدىعى 2 م/س»، - دەلىنگەن حابارلامادا.
"ادىرنا" ۇلتتىق پورتالى
