Түркістан қаласы ерекше мәртебеге ие болады. Тиісті заң жобасы «Ашық НҚА» сайтында жарияланды, деп хабарлайды «Адырна» тілшісі.
Құжатқа сәйкес, Түркістан Қазақстан Республикасының рухани және тарихи орталығы ерекше мәртебесіне ие Түркістан облысының әкімшілік орталығы.
Ұлттық экономика министрлігі әзірлеген жоба 23 тамызға дейін талқылауға ұсынылды.
Заң жобасының мақсаттары:
Түркістан қаласының Қазақстанның рухани және тарихи астанасы ретінде жұмыс істеуі саласындағы қоғамдық қатынастарды реттеу;
Түркістан қаласының қалыптасуы мен жұмыс істеуі үшін құқықтық және ұйымдастырушылық жағдайлар мен тетіктер жасау;
мәдени және діни мұраны қолдау, қасиетті орындар мен көрікті жерлерді сақтау және қорғау;
Түркістан қаласын дамыту бөлігінде орталық және жергілікті атқарушы органдар арасындағы үйлестіру мен өзара іс-қимылды жақсарту.
Заң жобасында Түркістан қаласын мемлекеттің рухани және тарихи астанасы ретінде дамыту саясатының негізгі бағыттарын белгілеу кезінде билік қалай әрекет ететіні, олар қаланың тарихи келбеті мен тарихи-мәдени мұра объектілерін сақтау бойынша не істеу керектігі айқындалады.
