18 жастағы Шымкент тұрғыны іздестіріліп жатыр. 5 тамызда Әл-Фараби аудандық полиция бөліміне жоғалған қыз туралы хабарлама келіп түскен. Бұл туралы Ішкі істер министрлігінің баспасөз қызметі мәлімдеді, деп хабарлайды “Адырна” ұлттық порталы.
2004 жылғы Аида Әбілданың ағасының айтуынша, ол 4 тамыз күні сағат 16:30 шамасында үйден шығып кетіп, қайта оралмаған.
Қыздың жүрген жерін анықтау үшін Шымкент қалалық полиция департаментінің барлық жеке құрамы жұмылдырылды.
Айта кетейік, Аида — Долана-Бұлақ колледжінің 1-курс студенті. Бойы 160-165 см, орта денелі, шашы қара, көздері қысыңқы келген, мойын аймағында ісігі бар (ЗОБ).
Жоғалған қыздың қайда екені туралы ақпарат білетіндер болса, 102 телефоны арқылы полицияға хабарласуына болады.
