Қазақстанда алғашқы қар жауды, деп хабарлайды “Адырна”.
Биыл алғашқы қар Шығыс Қазақстан облысында жауды. 14 тамыз күні таңертең Белуха тауының айналасын аппақ қар басып қалды. Бұл туралы Altay-pro лагері Instagram парақшасында бөлісті.
"Соңғы 10 жылда қар жауғаны есімізде жоқ. Алғашқы қарды Белуха түбінде кездестіреміз", - деп жазған.
15 тамызда синоптиктер Шығыс Қазақстан облысында дауылды ескерту жариялаған. Түнде облыстың таулы аймақтарында жауын-шашын, жаңбыр, бұрқасын да күтіледі.
Еліміздің өзге өңірлерінде қар мен аяз ұшқыны байқалмайды.
Өткен жылы Шығыс Қазақстан облысында алғашқы қар Риддер ауданында 18 тамыз күні жауған болатын.