قازاقستاننىڭ سولتۇستىگىندە goszakup.kz سايتىندا 35 ميلليون تەڭگەگە زاڭ بۇزۋشىلىق فاكتىلەرى انىقتالدى، دەپ حابارلايدى “ادىرنا” پورتالى Petropavlovsk.news سايتىنا سىلتەپ.
«جىل باسىنان بەرى بارلىعى 98 كاسىپكەردىڭ قۇقىعى قورعالدى، ولاردىڭ پايداسىنا 107 ميلليون تەڭگەدەن استام قارجى ءوندىرىلدى، سونىمەن قاتار 35 ميلليون تەڭگەگە مەملەكەتتىك ساتىپ الۋلار توقتاتىلدى»، - دەپ حابارلادى پەتروپاۆل قالاسىنىڭ ءباسپاسوز قىزمەتى. بۇل تۋرالى پروكۋراتۋرا حابارلادى.
قازاقستان رەسپۋبليكاسىنىڭ مىندەتتى مەديتسينالىق ساقتاندىرۋ تۋرالى زاڭناماسىن بۇزعان 34 كاسىپكەر جاۋاپكەرشىلىككە تارتىلدى. قالا پروكۋراتۋراسى قىلمىستىق قۋدالاۋ كەزىندە اتالعان زاڭ بۇزۋشىلىقتار بويىنشا ەسكىرۋ مەرزىمى ءوتىپ كەتكەنىن انىقتادى. پروكۋراتۋرا اكتىسى بويىنشا لاۋازىمدى تۇلعالاردىڭ زاڭسىز قاۋلىلارىنىڭ كۇشى جويىلدى.
«اعىمداعى جىلى كاسىپكەرلىك سۋبەكتىلەرىنىڭ قىزمەتىنە زاڭسىز ارالاسقان مەملەكەتتىك ورگانداردىڭ ەكى لاۋازىمدى تۇلعاسى جاۋاپكەرشىلىككە تارتىلدى. پروكۋراتۋرا ورگاندارىنا ماڭىزدى ينۆەستيتسيالىق جوبالاردى قولداۋ، كاسىپكەرلەردى مەملەكەتتىك ورگانداردىڭ وزبىرلىعىنان جانە اكىمشىلىك كەدەرگىلەردەن قورعاۋ جۇكتەلگەن” دەلىنگەن حابارلامادا.
