الماتىدا ەرىكتىلەر پسيحيكالىق اۋىتقۋى بار ءۇش قازاقستاندىققا ىزدەۋ جاريالادى، دەپ حابارلايدى "ادىرنا" ۇلتتىق پورتالى.
ولاردىڭ ەكەۋى – پسيحيكالىق دەنساۋلىق ورتالىعىنان، ال بىرەۋى – پوليتسيا باسقارماسىنان قاشىپ كەتكەن.
دەنيس انتيپين – بويى 180 سم، دەنە ءبىتىمى ورتاشا، شاشى قارا قوڭىر، كوزى قوڭىر، سول كوزىنىڭ جانىندا قال بار. ول جوعالعان كەزدە ۇستىندە اق جەيدە، قارا شورتى جانە اشىق ءتۇستى شاركەي بولعان.
پاۆەل لاۆروۆ – بويى 157 سم، دەنە ءبىتىمى ورتاشا، شاشى قارا، كوزى قوڭىر، بىلەگىندە تىرتىق ىزدەرى بار. ۇستىندە قارا فۋتبولكا، قارا شورتى جانە قارا شاركەي بولعان.
ەليسەي بالاكين – بويى 176 سم، ارىق دەنەلى، شاشى قىسقا، قارا قوڭىر ءتۇستى، كوزى قوڭىر. قارا فۋتبولكا كيگەن (كەۋدەسىندە اق جازۋى بار), قارا سپورتتىق شالبار جانە قارا كروسسوۆكيدە بولعان.
انتيپين مەن لاۆروۆ 2025 جىلدىڭ ماۋسىم ايىنىڭ باسىنان بەرى ىزدەستىرىلۋدە، ال بالاكين – 25 مامىردان باستاپ حابار-وشارسىز كەتكەن.
