Бүгінде Астана мектептеріндегі жалпы оқушы саны 255 мың баланы құрайды. Елорданың Коммуникациялар қызметінде өткен брифингте қалалық білім басқармасының басшысы Қасымхан Сенғазыев сыныптарды іріктеу туралы айтты, деп хабарлайды “Адырна” ұлттық порталы.
Елорданың жалпы білім беретін мектептерінде бірінші сыныптарға құжат қабылдау ағымдағы жылдың 1 сәуірінен басталды. Білім беру мекемелері 26 650 бірінші сыныпқа – 15 929 қазақ тілінде, 10 571 орыс тілінде оқытатын бала қабылдады.
Дарынды балаларға арналған мамандандырылған мектептерден басқа барлық мектептер бірінші сыныпқа емтихансыз қабылдайды. Электрондық үкіметтің www.egov.kz веб-порталы арқылы құжаттарды қабылдау аяқталды, енді ата-аналар өтініштерді қағаз түрінде береді. Әр мектепте ата-аналарға көмек көрсету үшін қабылдау комиссиясы жұмыс істейді, - деді Қасымхан Сенғазиев.
Елордада жаңа оқу жылына 10, 11 (12) сыныптарға оқушыларды қабылдау 15 тамызда аяқталды.
