ءانشى قايرات نۇرتاس قورداي اۋدانىندا جول ەرەجەسىن بۇزىپ، ايىپپۇل ارقالاعان، دەپ حابارلايدى “ادىرنا” ءتىلشىسى Zakon.kz-كە سىلتەمە جاساپ.
حالىقتىڭ سۇيىكتى انشىسىنە اينالعان قايرات نۇرتاس جامبىل وبلىسى قورداي اۋدانىندا جول قوزعالىسى ەرەجەسىن بۇزعان. ءانشىنىڭ كولىگىن حالىق سىرتتاي ءتۇسىرىپ العان. جەلىدە تاراعان كادردا:
«قايرات نۇرتاس جامبىل وبلىسىنىڭ قورداي اۋدانىنا كەلىپ، جول قوزعالىسى ەرەجەسىن ورەسكەل بۇزعان. بۇل ءۇشىن ءبىرىنشى كەزەكتە جۇرگىزۋشى كۋالىگىنەن ايىرۋ قاراستىرىلعان»، - دەلىنگەن.
ءانشىنىڭ بۇل ارەكەتى ءتارتىپ ساقشىلارىنىڭ نازارىنان تىس قالماعان. جامبىل وبلىسى پوليتسيا دەپارتامەنتى ءباسپاسوزىنىڭ حابارلاۋىنشا قايرات نۇرتاسقا 10 350 تەڭگە كولىمەندە ايىپپۇل سالىنعان.
"اتالمىش فاكت اعىمداعى جىلدىڭ 25 تامىزىندا الماتى-تاشكەنت تاس جولىنىڭ 215 شاقىرىمىندا، قورداي اۋدانى اۋماعىندا ورىن العان. 601-باپ بويىنشا ("جول بەلگىلەرىندە نەمەسە جولدىڭ ءجۇرۋ بولىگىن تاڭبالاۋدا كوزدەلگەن تالاپتاردى ساقتاماۋ") اكىمشىلىك حاتتاما تولتىرىلدى. «قر اقبتك بويىنشا 10 350 تەڭگە ايىپپۇل سالىندى»، - دەپ حابارلادى جامبىل وبلىسى بويىنشا پوليتسيا دەپارتامەنتى.
