Euronews TikTok-тың 2020 жылдың 31 шілдесі мен 2020 жылдың 31 желтоқсаны аралығында ЕО-ның құпиялылық туралы бірқатар заңдарын бұзғанын жазды. Бұл жайлы Ирландияның деректерді қорғау комиссары (DPC) мәлімдемесінде айтылды.
TikTok-тың штаб-пәтері Дублинде орналасқан. Сонымен қатар ЕО атынан әрекет ететін ирландиялық деректерді қорғау комиссиясы әлеуметтік медиа алыбын өз қызметін үш ай ішінде ережелерге сәйкес келтіруге міндеттеді.
Айыппұл 2020 жылдың шілдесі мен желтоқсан айлары аралығында жасалған бұзушылықтар туралы екі жылдық тергеуден кейін салынып отыр.
Реті келгенде ақпарат көздеріне сүйене отырып айта кетейік, бұған дейін TikTok әлеуметтік желісіне 2019 жылы АҚШ шамамен 5 миллион доллар, ал Нидерланды 2021 жылы 750 мың евро айыппұл салғаны хабарланған. Өткен жылдың сәуір айында Ұлыбритания осындай құқық бұзушылықтар үшін шамамен 15 миллион евро айыппұл салды.
"Адырна" ұлттық порталы
