Павлодарда 14 жастағы қыз сегізінші қабаттан құлап, көз жұмды, деп хабарлайды "Адырна" тілшісі pavlodarnews.kz-ке сілтеме жасап.
Павлодарда 14 жастағы қыз сегізінші қабаттағы терезеден құлап, қайтыс болды. Бұл оқиғаны облыстық жедел жәрдем станциясының баспасөз қызметі растап отыр.
Көпқабатты үйдің тұрғыны терезеден құлаған адамды байқап, дереу жедел жәрдем қызметін көмекке шақырған. Медициналық бригада оқиға орнына аттанып, шақыру түскен үйге үш минутта жеткен. Бірақ дәрігерлер 2009 жылғы қыз баланы ажалдан арашалап қала алмады.
"Шақыру кезінде түскен ақпарат бойынша, бала сегізінші қабаттан құлаған", - деп хабарлады жедел жәрдемнің баспасөз қызметі.
Оқиғаның мән-жайын қазір полиция анықтап жатыр.
