Абай облысы әкімінің бірінші орынбасары Айдын Кәрімов қызметінен кетті. Бұл туралы ол Facebook-парақшасында жазды, деп хабарлайды “Адырна” тілшісі.
Ол жазбасында қызметінен кететінін айтып, облыс тұрғындарына алғысын білдірді. Ол бір жыл үш ай облыс әкімінің бірінші орынбасары қызметін атқарды.
Абай облысы әкімінің Бірінші орынбасары қызметін аяқтадым. Жаңа облыстың бастау алып өркендеуіне аз уақыт болсада үлес қосқаным мен үшін үлкен мәртебе. Осы кезеңде өңірді дамытуға бағытталған елеулі жұмыстар атқарылды. Осы жолда баршаңызға ортақ мақсаттарға қолжеткізудегі қолдауларыңызға шынайы алғысымды білдіремін! Алдағы уақытта да істеріңізге табыс тілеймін және Абай өңірі одан әрі дамып, гүлдене береді деп сенемін!, - деп жазды ол.
