Шығыс Қазақстан облысы Алтай қаласында орналасқан Владимир Лениннің ескерткішін қалпына келтіруге қарсы петиция пайда болды, деп хабарлайды «Адырна» ұлттық порталы
Қазіргі кезде құжатты 1196 адам қолдаса, 247-і қарсылығын білдіріп, қол қойған.
Петицияның авторы Айгүл Мырзағалиева Ленинді кез келген ымыраға келу идеясын түбегейлі жоққа шығарғанын және мәселені шешудің жолы ретінде зорлық-зомбылықтың принципті жақтаушысы болғанын айтады.
«Ол КСРО-ны көптеген халықтардың сүйегі мен қанына толтырды, соның ішінде қазақ ұлтын да қырып-жойды. Соның ішінде голодомор, қуғын-сүргін, соғыс, жер аудару, Семей полигонындағы ядролық сынақтар, тартылып қалған Арал теңізі, т.б. айтуға болады» - деп жазған петиция авторы.
Сонымен қатар, петицияда:
«Қазақстан – тәуелсіз мемлекет, оның өзіндік тарихы мен мәдениеті бар. Мемлекетіміздің құрылуына, нығаюына, дамуына шынайы ықпал еткен, халық жадында мәңгілікке қалуға шын мәнінде лайықты ақын-жазушылар, ғалымдар, батырлар, хандар баршылық» делінген.
«Адырна» ұлттық порталы