Израильде зардап шеккендер арасында қазақстандықтар жоқ. Бұл туралы Қазақстан Республикасының Сыртқы істер министрлігі ресми түрде мәлімдеді, деп хабарлайды “Адырна” ұлттық порталы.
Сондай-ақ, Израильде тұрып жатқан 118 қазақстандықтың туған жерге оралуға ниет білдіргені айтылды. Израильде бес қазақстандық студенттің білім алып жатқаны белгілі.
Сыртқы істер министрлігі дипломатиялық сенім телефонына Қазақстан азаматтарынан 500-ден астам қоңырау түскенін мәлімдеді.
Еске салайық, сенбі күні таңертең Израиль Газа секторынан зымыран атқылаған. Палестиналық ХАМАС содырлар тобы бұл шабуылды өз мойнына алып, «Әл-Ақса дауылы» операциясының басталғанын жариялаған болатын.