23 қазан – Халықаралық қар барысы күні. (International Snow Leopard Day). Атаулы мереке 2013 жылы Қырғызстан астанасы Бішкекте өткен қар барысын қорғау туралы Дүниежүзілік форумда қабылданған.
Мерекенің негізін қалаушылар осы күннің көмегімен қар барысын қорғауға, олардың тіршілік ететін мекендерінің проблемаларына қоғам назарын аударуды көздейді.
Қар барысы таралу ауқымы мен саны азая бастаған жыртқыш ретінде Қазақстанның Қызыл кітабына енген. Экология, геология және табиғи ресурстар министрлігінің хабарлауынша, бүгінде ел аумағында 100-ден астам қар барысы бар. Өкінішке қарай, олардың саны жыл сайын азайып келеді.
