Биылғы жылы Алматы қаласында әлеуметтік-экономикалық даму көрсеткіштерінің өсу қарқыны жоғары.
Экономиканың негізгі серпінін сипаттайтын өнеркәсіп, сауда, көлік және қоймалау, ақпарат және байланыс қызметтері, құрылыс, ауыл шаруашылығы сынды алты саланың қысқа мерзімді экономикалық индикатор 115,2%-ға жетіп жығылды.
Өнеркәсіп өнімін өндіру көлемі 21,7% өсіммен 1 303,8 млрд. теңгеге дейін ұлғайды, бұл елдегі ең жоғары өсу қарқыны ретінде саналады. Бұл ретте өңдеу өнеркәсібі 20,2% - ға 1 117,6 млрд. теңгеге дейін өскенін атап өткен абзал.
Құрылыс саласында да даму қарқыны жоғары, мұндағы сандар өткен жылдың сәкес кезеңімен салыстырғанда 3,8% - ға өсіп, орындалған құрылыс жұмыстарының көлемі 322,3 млрд.теңгені құраған. Естеріңізге саламыз, 2023 жылғы қаңтар-тамызда өткен жылдың осы кезеңімен салыстырғанда 22,5% өсіммен 1 486,4 мың шаршы метр тұрғын үй пайдалануға берілді.
Бөлшек тауар айналымының көлемі өткен жылдың сәйкес кезеңімен салыстырғанда 6,2% - ға ұлғайып, 3 525,8 млрд. теңгені құрады. Көтерме сауда айналымы 20,3%-дық өсіммен 9 455,6 млрд. теңгені құрады. Көлік және қойма қызметтері 16,5% – ға, ақпарат пен байланыс 3,3% - ға ұлғайған.
Биыл қаңтар – тамыз айларында қала экономикасына негізгі капиталға 876,9 млрд. теңге инвестиция тартылды. Бұл ретте жеке инвестициялар 2022 жылғы осы кезеңмен салыстырғанда 4,8% - ға артты.
Ағымдағы жылдың тамыз айында іскерлік белсенділік индексі 55,2% - ды құрап, Алматы қаласы республика бойынша көшбасшы атанды.
Сыртқы сауда айналымында да ілгерлеу бар. Мұндағы өсім 34,6% -ға жетіп, пайда $1 14 369,4 млн құрады. Бұл ретте экспорт 23,8% - ға ұлғайып, табыс $2 605,2 млн жетті.
