Шымкентте көлік рөліне отыруға тыйым салынған 1268 адам жүргізуші куәлігін алған. Бұл туралы қалалық прокуратура мәлімдеді, деп хабарлайды “Адырна” ұлттық порталы.
Олардың көпшілігі психоактивті заттарды қолдану және жүйке жүйесі аурулары бойынша диспансерлік есепте тұрады. 2022-2023 жылдары олар 1300-ден астам жол қозғалысы ережесін бұзып, 28 жол апатын жасаған. Көліктерді зақымдап, материалдық шығын келтірген, - дейді ведомство.
Сондай-ақ, олардың жүргізуші куәлігін алуы заң талаптарына қайшы келетіндіктен 37 адам бүгінгі күні сот шешімімен көлік құралын басқару құқығынан айырылды.
Қалғандарына қатысты тиісті шаралар қолданылып жатыр.
