Өскеменде тұрғын темекі шегемін деп өз пәтерін өртеп алды, деп хабарлайды "Адырна" порталы Kazinform сайтына сілтеме жасап.
ШҚО төтенше жағдайлар департаменті баспасөз қызметінің мәліметінше, 26 қараша күні түнгі 3.00 шамасында Гоголь көшесіндегі көпқабатты тұрғын үдің бірінен өрт шыққан.
"Белгілі болғандай, 2-қабаттағы пәтер өртенді. ТЖД қызметкерлері жедел түрде баспалдақпен 5 тұрғынды, оның ішінде 2 баланы эвакуациялады. Содан кейін үш иінді сатыны орнатып, терезе арқылы пәтер иесін құтқарды. Көп ұзамай өрт сөндірушілердің үйлесімді іс-қимылының арқасында жалпы ауданы 20 шаршы метрді құраған тілсіз жау толықтай ауыздықталды", - делінген ақпаратта.
