Түркістан облысында жоғалған 4 жасар Бақыт Айбардың денесі табылды, деп хабарлайды “Адырна” тілшісі.
4 жасар бүлдіршіннің денесі көрші үйдің жанындағы кәріз құдығынан табылған.
“Үздіксіз жүргізілген іздеу жұмыстары нәтижесінде 3 желтоқсан күні түстен кейін 4 жасар баланың денесі көрші үйдің жанындағы кәріз құдығынан табылды. Баланың денесін медициналық сарапшылар тексереді, ал мәйіттен зорлық-зомбылық пен қандай да өлім белгілері табылмады. Қазіргі уақытта оқиға орнында жедел-тергеу тобының қызметкерлері, полиция департаменті мен прокуратура басшылығы жұмыс жасауда. Болған оқиғаның толық мән-жайы анықталуда”, – делінген құзырлы орган таратқан хабарламада.
Айта кетейік, Түркістан қаласының полициясына баланың жоғалғаны туралы хабарлама келген. Сол сәттен-ақ полиция қызметкерлері мен еріктілер іздеу жұмыстарын бастаған болатын. Алайда Бақыт Айбар өлі күйінде табылды.