Қазақстан құрамасы футзалдан әлем чемпионатының соңғы іріктеу матчында сырт алаңда Румынияны жеңді, деп хабарлайды “Адырна” ұлттық порталы.
Бухарестте өткен Elite Round A тобындағы кездесу 2:0 есебімен Рикардо Кака шәкірттерінің пайдасына аяқталды.
Бірінші таймда 8-минутта Шыңғыс Есенаманов бірінші голды соқты. Кездесудің 2-таймында Біржан Оразов қорытынды есепті қойды.
Біржан Оразов, Игита бастаған Қазақстан құрамасы келесі жылы күзде Ташкентте өтетін Әлем Чемпионатына қатысады.