Бүгін Тәжікстан президенті Эмомали Рахмон парламентке жыл сайынғы жолдауын жасады. Ол өз сөзінде тәжік халқы үшін маңызды мәселелерге тоқталып, елдің өткен жылғы негізгі көрсеткіштерін жариялады, деп хабарлайды “Адырна” ұлттық порталы.
Сондай-ақ, ол Рогун су электр станциясын қайта құру жайында да сөз қозғады.
«Біздің электр энергиясының ысыраптары шамамен 4 млрд кВт құрайды. Бұған тосқауыл қойсақ, электр энергиясы барлығына жетеді.
Бұл ысыраптар тоқтаса, тұрғындарға жарық үзіліссіз беріледі. Осы мақсаттарға Тәжікстан үкіметі энергетикалық нысандарды, соның ішінде үшінші блогын 2025 жылы пайдалануға беру жоспарланған Рогун су электр станциясын қайта құру мен жөндеуге шамамен 9 миллиард сомони бөлді. Сонымен қатар, баламалы отын көздеріне көшу бойынша белсенді жұмыстар жүргізілуде», - деді ол.
