Павлодарда белгісіз біреулер қала мектептерінде қылмыс жасауға дайындық жасалып жатқанын айтып, қорқынышты хабарлама жолдады, деп хабарлайды "Адырна" тілшісі.
Павлодар облысының полиция департаменті әлеуметтік желілерде тараған бұл ақпараттың тарауына байланысты тексеріс жүргізуде.
"Әлеуметтік желілерде белгісіз біреулер Павлодар мектептерінде қылмыс жасауға дайындалып жатқаны туралы ақпарат тарады. Аталмыш факті бойынша полиция департаменті тексеріс жүргізіп жатыр. Құзырлы органдармен бірлесе отырып, ол ақпаратты таратқан адамдарды анықтау бойынша жедел іс-шаралар басталды", - делінген ведомство хабарламасында.
Еске сала кетейік, ата-аналардың үрейін ұшырған мұндай хабарламалар бірнеше Ақтөбе және Атырау мектептерінде де осындай шабуыл жасалатаны туралы дерек тарап еді. Құзырлы орган жалған ақпараттарға сенбеуге шақырды.
"Азаматтардан арандатушылыққа бой алдырмай, тек ресми ақпаратқа сенуін сұраймыз", - деп ведомство облыс тұрғындарына үндеу жолдады.
